FS: 60 nemendur útskrifaðir af haustönn
Skólaslit haustannar og brautskráning Fjölbrautaskóla Suðurnesja fór fram síðastliðinn laugardag. Að þessu sinni útskrifuðust 60 nemendur; 44 stúdentar, 7 iðnnemar, 3 úr starfsnámi og sex meistarar. Alls komu 44 úr Reykjanesbæ, 6 úr Garði, 5 úr Sandgerði, 4 úr Grindavík og einn frá Akureyri.
Við athöfnina voru veittar viðurkenningar fyrir góðan námsárangur.
Guðný Þorsteinsdóttir og Katrín Helga Steinþórsdóttir fengu verðlaun fyrir árangur sinn í bókfærslu, Stefanía Júlíusdóttir fyrir þýsku og Sandra Dögg Friðriksdóttir fyrir spænsku. Einar Trausti Einarsson fékk viðurkenningar fyrir afburðaárangur í sögu og sálfræði og Birna Ásgeirsdóttir fyrir árangur sinn í spænsku, uppeldisgreinum, líffræði og efnafræði. Einar Pétursson fékk gjöf frá Verkfræðistofu Suðurnesja fyrir góðan árangur í stærðfræði en Einar fékk einnig verðlaun frá Íslenska stærðfræðafélaginu fyrir árangur sinn í stærðfræði og viðurkenningu frá skólanum fyrir árangur sinn í eðlisfræði og efnafræði. Berglind Anna Magnúsdóttir fékk einnig gjöf frá Verkfræðistofu Suðurnesja fyrir góðan árangur í stærðfræði og hún fékk viðurkenningar fyrir fyrir spænsku og efnafræði . Sigurður Freyr Ástþórsson hlaut viðurkenningar fyrir spænsku og ensku og fyrir afburðaárangur í stærðfræði á félagsfræðibraut. Kristófer Arnar Magnússon fékk gjöf frá Verkfræðistofu Suðurnesja fyrir góðan árangur í stærðfræði og Kristófer fékk einnig viðurkenningar frá skólanum fyrir árangur sinn í spænsku, ensku, stærðfræði, eðlisfræði og efna fræði.
Að venju veitti Sparisjóðurinn í Keflavík nemendum skólans viðurkenningar fyrir góðan námsárangur og afhenti Geirmundur Kristinsson sparisjóðsstjóri þær fyrir hönd Sparisjóðsins. Kristófer Arnar Magnússon og Sigurður Freyr Ástþórsson fengu verðlaun fyrir árangur í tungumálum, Berglind Anna Magnúsdóttir fyrir íslensku, Einar Trausti Einarsson fyrir samfélagsgreinar, Gunnar Sveinsson fyrir iðngreinar og Einar Pétursson fyrir árangur sinn í stærðfræði og raungreinum. Birna Ásgeirsdóttir og Einar Pétursson fengu verðlaun fyrir hæstu einkunn á stúdentsprófi og hlutu af því tilefni 100.000 kr. námsstyrk frá Sparisjóðnum.
Við útskriftina voru veittir styrkir úr Styrktarsjóði Fjölbrautaskóla Suðurnesja sem Gunnar Sveinsson og Kaupfélag Suðurnesja stofnuðu í tilefni 30 ára afmælis skólans og 60 ára afmælis Kaupfélagsins. Það var Guðbjörg Ingimundardóttir stjórnarmaður sem afhenti styrkina. Veittar voru viðurkenningar fyrir góðan árangur nemenda í samskiptum og tjáningu í SAM 106 og lífsleikni-áföngum. Það voru þau Andri Steinn Harðarson, Kamilla Rún Björnsdóttir, Kristín Rán Júlíusdóttir og Þorgerður Anja Snæbjörnsdóttir sem fengu styrki og þá fékk Bessi Grétarsson styrk fyrir framfarir í námi en þau fengu öll 20.000 kr. Nemendafélagið NFS fékk 200.000 kr. styrk fyrir góðan árangur í ræðukeppni MORFÍS og til frekari þátttöku í keppninni.
Texti af vef Fjölbrautaskóla Suðurnesja, www.fss.is
