Frumburður Koju í hillurnar eftir helgi

Frumburður Suðurnesjasveitarinnar Koju kemur út á föstudaginn og verður hægt að nálgast hann í plötubúðum eftir helgi.

Koja hefur verið starfrækt um nkkurra mánaða skeið og hefur vakið athygli á sér með lögum sem hægt er að nálgast á vefnum á síðunni rokk.is og heimasíðu sveitarinnar, myspace.com/kojaband.

Á disknum sem ber nafn sveitarinnar eru fimm lög, þar af eitt sem hefur ekki heyrst áður opinberlega.

Platan var tekin upp á Upptökuheimili Geimsteins sem er einnig útgefandi, en Sena sér um dreifingu.

Útgáfutónleikar verða auglýstir síðar en þeir félagar leggja eftir það land undir fót og munu m.a. leika víða um land.

Mynd/Baldur Kristjánsson