Frístundahátíð í Reykjanesbæ

Tómstundabandalag Reykjanesbæjar heldur í dag, 13. maí, Frístundahátíð í Reykjanesbæ þar sem boðið verður upp tómstundasýningu, handverkssýningu, mótorhjólasýningu og handverkssýningu eldri borgara.

Frístundahátíðin verður haldin í Reykjaneshöllinni og stendur frá kl. 11:00 – 19:00.
Handverkssýning eldri borgara verður opnuð kl. 14:00 í Selinu við Vallarbraut en þar kemur fram Idolstjarnan Briet Sunna Valdimarsdóttir.

Ýmis félög og klúbbar kynna starfsemi sína á frístundahátíðinni s.s.félag harmonikkuunnenda, skátafélagið Heiðabúar, mótorhljólaklúbburinn Ernir, Flugmódelfélag Suðurnesja og smábílaklúbburinn auk annarra.

Á dagskrá er m.a. kassaklifur skáta, hraðskákmót, nikkur og trúbadorar. Rás 2 verður með beina útsendingu frá Reykjanesbæ þennan laugardag.