Fríða með jólasýningu í Karma

Fríða Rögnvaldsdóttir, myndlistarkona úr Keflavík opnaði sýningu á veitingastaðnum Karma sl. föstudag. Þetta er jólasýning hjá Fríðu og á henni má sjá á annan tug nýrra mynda sem hún hefur gert að undanförnu.

Verk eftir Fríðu var nýlega í hópi þrjátíu myndverka sem valin voru úr hópi 300 mynda til að keppa um Sovereign European Art verðlaunin 2011. Þetta þykir mikill heiður en The Sovereign Art Foundation eru góðgerðarsamtök og styðja börn sem á einhvern hátt standa höllum fæti, með því að nota skapandi greinar til fræðslu, meðferðar og endurhæfingar.

Sýningin er opin alla virka daga á Karma kl. 11-19.30 til 20. des.
Meðfylgjandi myndir voru teknar við opnunina hjá Fríðu.

Fríða og Elsa Skúladóttir, vinkona hennar sem mætti á opnunardaginn og færði listakonunni blóm.

Hér má sjá tvö af verkum Fríðu á jólasýningunni sem er glæsileg.