Frægar sögupersónur á Dimissio F.S.

Síðasta kennsludag er hin hefðbundna dimissio á sal Fjölbrautaskóla Suðurnesja þar sem útskriftarnemendur kveðja kennara sína og skólann. Að þessu sinni birtust á sviðinu sögupersónur úr sögum, bókum, leikritum og bíómyndum og mátti þar sjá Karíus og Baktus, James Bond, Galdrakonuna í Oz og fleiri.

Nemendurnir sýndu leikna heimildarmynd um kennara sína þar sem farið var yfir eftirminnilegustu atburði annarinnar auk þess sem fjallað var um harðvítuga valdabaráttu innan kennarahópsins. Útskriftanemar veittu síðan kennurum viðurkenninngar; valinn var svalasti kennarinn, mesti garpurinn, best klæddi kennarinn o.s.frv. Að lokum var svo besti kennarinn valinn og að þessu sinni hlaut Gunnlaugur Sigurðsson, stærðfræðikennari og gítareigandi þann titil.

Í kvöld borða síðan útskriftarnemendur hina hefðbundnu síðustu kvöldmáltíð með kennurum og starfsfólki skólans.

Af vef Fjölbrautaskóla Suðurnesja