Fræðslufundur Sunnan 5 í kvöld

Krabbameinsfélag Suðurnesja og Stuðningshópurinn Sunnan 5 halda opinn fræðslufund í kvöld, 11. janúar kl. 20.00 að Smiðjuvöllum 8 (húsi Rauða krossins) í Reykjanesbæ. Hjördís B. Tryggvadóttir sálfræðingur á svefnrannsóknastofu LSH mun halda fyrirlestur um Svefn og svefnerfiðleika

Markmið Stuðningshópsins Sunnan 5 er að einstaklingar sem greinst hafa með krabbamein hitti aðra sem gengið hafa í gegnum svipaða reynslu og til að fá fræðslu og styrk hvert frá öðru. Allir sem hafa áhuga eða vilja leggja málinu lið eru velkomnir. Heitt á könnunni.

VF-Mynd úr safni: Bergið var lýst í bleikum bjarma í haust til að minna á baráttuna gegn brjóstakrabbameini.