„För hersins“ í Bíósal Duushúsa

Laugardaginn 8. mars kl. 13:30 opnar Sólveig Dagmar Þórisdóttir sýninguna För hersins í Bíósal Duushúsa Reykjanesbæ. Sýning þessi var fyrst opnuð í Þjóðarbókhlöðunni og hefur staðið þar í rúman mánuð.

Sýndar eru ljósmyndir frá Varnasvæðinu bæði gamlar og nýjar. Þá gefst gestum kostur á að tjá sig með málningu á striga. Það hefur verið áhugavert að fylgjast með þróun þess verks en margskonar skilaboð hafa komið fram, bæði myndræn og með orðum.

Við opnunina  mun Sólveig greina frá sýningunni í Reykjavík og hvernig til tókst með hana.  Sýningin er liður í lokaverkefni Sólveigar í Hagnýtri Menningarmiðlun við Hugvísindadeild Háskóla Íslands. Sýningin er sett upp í samvinnu við Byggðasafn Reykjanesbæjar.