Fjórfalt hjá Kaffitári

Kaffibarþjónar Kaffitárs enduðu í efstu þremur sætunum á Íslandsmeistaramóti kaffibarþjóna sem lauk um síðustu helgi. Íslandsmeistari kaffibarþjóna 2006 er Ingibjörg Jóna Sigurðardóttir, sem vinnur í Kaffitári í Kringlunni Kristín Ingimarsdóttir önnur, og hún vinnur í Kaffitári í Bankastræti, Sveinbjörg Davis í þriðja sæti og hún vinnur á kaffihúsinu í kaffibrennslu Kaffitárs í Reykjanesbæ. Fanney Marin Magnúsdóttir, hún vinnur í Kaffitári í herstöðinni, fékk verðlaun fyrir besta frjálsa drykkinn 2006, og nefnist drykkurinn Hálfmáni. Hún mun taka þátt fyrir hönd Íslands í keppninni „Coffee in good spirits“ á heimsmeistaramótinu í Bern. Ingibjörg mun ásamt landsliðinu taka þátt í Heimsmeistaramóti kaffibarþjóna fyrir hönd Íslands í Sviss í næsta mánuði. Landsliðið skipa auk Ingibjargar: Kristín Ingimarsdóttir, Sveinbjörg V. Davis allar frá Kaffitári, Marta Sif, Elfa og Unnsteinn frá Te og kaffi.

Kaffitár er afar stolt af árangri síns liðs og þakkar velgengnina miklum undirbúning.