Fjör hjá 4-A á sumargleði

Nú er skólastarfi að ljúka í grunnskólum í Reykjanesbæ og hefur það tíðkast undanfarin ár að eitthvað skemmtilegt sé gert í lokin eins og ferðalög og þess háttar. 4. bekkur A í Holtaskóla breytti hins vegar aðeins frá vananum og hélt Gunnar Stefánsson, kennari bekkjarins, sumargleði í garðinum heima hjá sér. Gunnar grillaði pylsur handa krökkunum og bauð þeim upp á Coke og svo Prins Polo í eftirrétt.
Þegar krakkarnir voru búnir að háma í sig pylsur og með því fóru þau í ýmsa leiki og var mikil stemning hjá þeim og skemmtu allir sér konunglega þó svo veðrið hafi ekki verið eins gott og undanfarna daga.