Fjölskyldan í kreppu?

-Fyrirlestraröð í Garði og Sandgerði fyrir fjölskyldur og einstaklinga á erfiðum tímum.

Næstkomandi fimmtudagskvöld verður þriðji fyrirlesturinn haldinn sem kirkjan í Garði og Sandgerði heldur í samvinnu við Sveitarfélagið Garð, Sandgerðisbæ og MSS. Þar sem tekin eru fyrir brýn mál er tengjast fjölskyldum og einstaklingum á erfiðum tímum í íslensku samfélagi.

Erindin fjalla um fjármál, hvernig hægt er að drýgja matinn, um samskiptin á heimlinu og hvernig við getum styrkt og hlúð að hverju öðru á erfiðum tímum.
Næsti fyrirlestur verður fimmtudaginn 13. nóvember kl. 20 í safnaðarheimilinu í Sandgerði, þá mun Hafliði Kristinssin hjóna- og fjölskylduráðgjafi flytja fyrirlestur er ber yfirskriftina „Fjölskyldan í kreppu?“

Í fyrirlestrinum mun Hafliði velta upp áleitnum spurningum:

Hver eru algeng viðbrögð á álagstímum?

Hvernig tökumst við á við miklar breytingar?

Hvaða áhrif hefur álag á samskipti innan fjölskyldunnar?

Hvaða kosti höfum við og getur þetta orðið okkur til góðs á einhvern hátt?

Fyrirlestrarnir verða haldnir til skiptis í Garði og Sandgerði. Hver fyrirlestur hefst á stuttri helgistund. Boðið verður upp á kaffi og umræður eftir hvern fyrirlestur.

Fyrirlestrarnir eru öllum opnir að kostnaðarlausu.