Fjölmennt í kirkjugörðum á Suðurnesjum

Fjölmennt var í kirkjugörðum á Suðurnesjum í allan dag. Hefð er að fólk komi á Þorláksmessu og aðfangadag og hugi að leiðum ástvina og ættingja.Meðfylgjandi mynd var tekin í Útskálakirkjugarði í dag en þar eins og í öðrum kirkjugörðum var mikið um að vera. Fólk var með skreytingar og fjölmargir reyndu að kveikja á friðarljósum sem gekk þó upp og ofan í köldum norðanvindinum.