Fjölmennt á opnunardegi nýrrar sýningar Þekkingarsetursins
Fjölmargir gestir lögðu leið sína í Þekkingarsetrið á sunnudaginn vegna opnunar sýningarinnar Huldir Heimar Hafsins – Ljós þangálfanna. Aðstandendur sýningarinnar voru þau Katrín Þorvaldsdóttir listakona með meiru, Reynir Sveinson sem sá um lausnir allra tæknilegra vandamála, Eydís Mary Jónsdóttir textasmiður og Júlíus Viggó Ólafsson tónhöfundur. Þá sá Lúðvík Ásgeirsson um grafíska uppsetningu texta sýningarinnar.
Gangurinn þar sem sýningin fer fram. Mikið verk að baki.
Katrín Þorvaldsdóttir hélt fallega ræðu í tilefni opnunarinnar þar sem hún m.a. tileinkaði komandi kynslóðum sýninguna.
Júlíus Viggó heiðraði gesti sýningarinnar með einstaklega fallegum söng, við undirleik föður síns, Ólafi Þór Ólafssyni, forseta bæjarstjórnar Sandgerðisbæjar og stjórnarformanns Þekkingarsetursins.
Hér má sjá afmælisbarn dagsins, Tómas Knútsson náttúruverndarmann með meiru, sem hefur helgað stóran hluta ævi sinnar hreinsunar strandlengju Íslands, ásamt Ásmundi Friðrikssyni alþingismanni, sem kíkti aðeins í símann.
Yngsta kynslóðin mætt ásamt foreldrum. Þingkonan Katrín Jakobsdóttir mætti ásamt syni sínum.
Allar sýningar Þekkingarsetursins eru opnar almenningi alla virka daga á milli kl 10:00 og 14:00 og minnt er á sveigjanlega opnunartíma sem eru í boði fyrir hópa.
