Fjölmenni við setningarathöfn Ljósanætur

Fjölmennt var í setningarathöfn Ljósanætur sem fram fór í skrúðgarðinum í Keflavík síðdegis í gær í blíðskapar veðri. Setningarathöfnin í ár var með breyttu sniði frá því sem áður hefur verið.
 
Athöfnin hófst með lúðrablæstri og þá söng samkór nemenda úr grunnskólum Reykjanesbæjar. Ingó veðurguð og Jóhanna Guðrún sungu einnig fyrir gesti og þá var dansað. Fulltrúar nemenda drógu Ljósanæturfánann að húni eftir að Kjartan Már Kjartansson bæjarstjóri hafði ávarpað samkomuna.
 
Ljósmyndari Víkurfrétta tók meðfylgjandi myndir við athöfnina í gær. Þá sýndi VF einnig beint frá setningunni á Facebook síðu sinni.

Ljósanótt 2018 sett

▼ Fleiri myndir