Fjölbreyttir Þemadagar í FS

Þemadagar Fjölbrautaskólans á Suðurnesjum hófust í morgun þar sem boðið var upp á mikið úrval af námskeiðum og fyrirlestrum tengdum þema ársins: Sköpun.

Á meðal þess sem nú er á boðstólnum er glerblástur, freestyledans, leðurtöskugerð, logsuða og flest þar á milli. Dagskráin heldur áfram á morgun og nær hámarki með lokahófi á sal skólans þar sem sjálfur Páll Óskar skemmtir.

Þemadögunum lýkur svo á föstudag með íþróttakeppni milli kennara og nemenda þar sem verður eflaust tekist mikið á.

VF-mynd/elg – Meðal þess sem var í boði í dag var hönnun á mósaíkvegg þar sem þessi mynd var tekin. Fleiri myndir má sjá á vef skólans, www.fss.is