Fjölbreytt dagskrá í 88-húsinu

Mikið hefur verið að gerast í 88-Húsinu síðan húsið opnaði á ný í haust. Fjöldi unglinga hefur mætt til að horfa á eða taka þátt í hinum ýmsu uppákomum.

Meðal þess sem hæst bar má nefna FIFA 2007 mót sem haldið var í upphafi nóvember, en Ólafur Jón Jónsson, leikmaður Keflavíkur í úrvalsdeild bar þar sigur úr býtum. Fjölmargir þátttakendur voru og stemmningin góð.

Þá lauk borðtennismóti 88-hússins á þriðjudag þar sem Guðni Oddur var hlutskarpastur og Aðallinn í FS hélt vel heppnað spilamót.

Þá má þess einnig geta að graffarinn Jogi hefur skreytt kjallara hússins af alkunnri snilld.

Margt er á dagskrá í húsinu á næstu dögum, en þar má nefna Tónaflæði, en síðasta Tónaflæðiskvöld þótti takast með afbrigðum vel.

Þá verður efnt til mót í Tiger Woods leiknum í PS2 vikuna 20.-27. nóv og að lokum má nefna H-jólabrettamótið sem haldið verður í Svartholinu þann 25. nóvember.

Þannig er ljóst að enginn þarf að láta sér leiðast í skammdeginu því fjörið er að finna í 88-húsinu.