Fimm Ljósalög valin í undanúrslit á Stöð 2

Samtals bárust 40 lög í Ljósalagskeppnina í ár.  Í dag valdi dómnefnd 5 laganna til að taka þátt í undanúrslitum Ljósalagsins 2005.  Dómnefnd skipuðu tónlistarmennirnir Guðbrandur Einarsson, Jón Ólafsson og Stefán Hjörleifsson. Þeim til halds og traust voru Íris Jónsdóttir fulltrúi Ljósanefndar og Valgerður Guðmundsdóttir menningarfulltrúi.

Undanúrslit fara fram á Stöð 2 vikuna 22. – 27. ágúst og þá gefst fólki kostur á að kjósa 3 lög með símakosningu og munu þau þrjú lög svo aftur keppa til úrslita um titilinn Ljósalagið 2005 á útisviðinu í Reykjanesbæ laugardagskvöldið 3. september n.k.. Einnig þá verður notuð símakosning.

Eftirtaldir aðilar eiga lög í undanúrslitunum og verður haft samband við þá næstu daga:  Elvar Gottskálksson lag og Valur Gunnarsson texti, Erlingur Arnarson lag og texti, Karl Bjarni Guðmundsson lag og texti og Halldór Guðjónsson átti tvö lög í úrslitunum við texta Þorsteins Eggertssonar.