Ferskir vindar um áramót

Listaverkefnið Ferskir vindar verður haldið í Sveitarfélaginu Garði um næstu áramót eða frá 19. desember til 18. janúar 2016. Bæjarráð Sveitarfélagsins Garðs hefur samþykkt samning þess efnis.

Ferskir vindar hafa verið haldnir undanfarin ár í Garði og hefur hátíðin annað hvort verið að vori eða í kringum áramót.

Þemað að þessu sinni verður Sjávarföll/Tides og einnig að áhersla verði á sviðslistir. Að þessu sinni koma 14 tónlistarmenn, 9 dansarar og gjörningalistamenn. Einnig fimm videolistamenn og ljósmyndarar og 29 aðrir listamenn.