Ferðamenn bíða eftir rútunni

Ferðamannatíminn er núna í blóma, enda hásumar og fjölmargir ferðamenn á faraldsfæti víða um land. Fjölmargir ferðamenn eru á ferð um Suðurnes eins og þessir sem biðu eftir rútu við Biðskýlið í Njarðvík með ferðatöskur og bakpoka. Flestir ferðaþjónustuaðilar sem VF hefur rætt við bera sig vel, þrátt fyrir að samdráttur sé farinn að segja til sín hjá ferðamönnum eins og öðrum. Ferðalög eru víst ofarlega á listanum yfir það sem skorið er niður þegar kreppir að í fjármálum einstaklinga.
VF-mynd: Hilmar Bragi Bárðarson