Farfuglar „sofa hjá“ systrum í Innri Njarðvík

Í Innri-Njarðvík er rekið farfuglaheimili, sem er staðsett á Njarðvíkurbraut 48-50. Heimilið, sem hefur rúm fyrir 48 manns, er í eigu þriggja systra og sjá þær sjálfar um allan rekstur. Hægt er að fá gistingu í svefnpokaplássi eða í uppábúnum rúmum og er morgunverður innifalinn í verði. Fyrir þá sem koma með flugi á Keflavíkurflugvöll er sækningarþjónusta að einhverju leyti. Á Farfuglaheimilinu er einnig reiðhjólaleiga, en mikið er af skemmtilegum göngu- og reiðhjólaleiðum í kringum Innri-Njarðvík. Margir skoða kirkjuna á staðnum, en einnig er tiltölulega fljótlegt að hjóla inn í Reykjanesbæ og sækja þangað ýmsa þjónustu.Mikið hefur verið pantað af gistingu fyrir sumarið og eru það jafnt einstaklingar sem hópar sem nýta sér þetta form gistingar.