Færeyskir málarar sýna í Listasafni Reykjanesbæjar

Sýningin „Í eygsjón – sex færeyskir málarar“ var opnuð á Listasafni Reykjanesbæjar í gær. Á sýningunni eru rúmlega 20 verk, unnin með olíu á striga og er myndefnið færeysk náttúra.

Þeir sem eiga verk á sýningunni eru:  Amariel Norðoy, Bárður Jákupsson, Eyðun av Reyni, Kári Svensson, Torbjörn Olsen og Össur Mohr. 

Sýningarstjóri er Aðalsteinn Ingólfsson.

Sýningin er í sýningarsal Listasafnsins í Duushúsum og er opin alla daga frá 13:00 til 17:30 og stendur til 11. júní.

VF-mynd/ JBÓ: Frá opnuninni í gær, á myndinni eru þrír af þeim sex málurum sem sýna verk sín í Listasafninu.