Eyþór Ingi með hátíðartónleika í Hljómahöll
Eyþór Ingi verður með hátíðartónleika í Hljómahöll 19. desember. Hátíðartónleikar Eyþórs hafa fengið frábærar viðtökur um land allt síðustu ár.
Hér er á ferðinni létt og jólaleg kvöldstund þar sem Eyþór Ingi kemur fram með húmorinn, píanóið og gítarinn að vopni. Sérstakir gestir verða með Eyþóri í Hljómahöll en honum til halds og trausts verður Karlakór Keflavíkur.
Hátíðartónleikar Eyþórs Inga einkennast af einstakri blöndu hugljúfra tóna, gríni og jafnvel eftirhermum. Það er klárt mál að ADHD hefur aldrei verið skemmtilegra.
Síðast seldist upp hratt og færri komust að en vildu. Tónleikarnir hefjast kl. 20:00 en miðasala er á tix.is.
