Ernir fagna 10 ára afmæli með hjólasýningu í Reykjaneshöll

Ernir, bifhjólaklúbbur Suðurnesja, fagnar 10 ára afmæli með hjólasýningu í Reykjaneshöll laugardaginn 14. maí nk. kl. 11-17. Yfir eitthundrað hjól af öllum stærðum og gerðum verða til sýnis. Boðið verður upp á kaffi og afmælistertu, að sögn Pálma Hannessonar, formanns Arna.

Ýmis fyrirtæki verða með vörur til sölu og sýnis. Boðið verður upp á húðflúr og airbrush. Hoppukastalar og andlitsmálun fyrir börn og eiga allir að finna eitthvað við sitt hæfi, bæði hjólafólk og aðrir gestir. Þá verða tónlistaratriði og margt fleira á meðan sýningunni stendur.

Um kl. 15 á laugardag verður viðgerðarhlé fyrir utan Reykjaneshöllina en þennan dag verður Tjarnagrill-rallið haldið hér á Suðurnesjum, þannig að áhugafólk um mótorsport fær mikið fyrir sinn snúð á laugardaginn.