Er aðallega ljósabarn

Aron Arnbjörnsson starfar sem 50% trukkabílstjóri og er hobbýbóndi á Stafnesi. Hann hefur ekki verið duglegur við bakstur síðustu ár en ætlar að gera lakkrístoppa í ár og jafnvel tilraunir með aðra toppa.

– Ertu mikið jólabarn?

„Tja, aðallega ljósabarn.“

– Fóru jólaljósin fyrr upp í ár en í fyrra?

„Já, að sjálfsögðu. Meira að segja trukkurinn er orðinn ljósvæddur.“

– Skreytir þú heimilið mikið?

„Bara svona temmilega mikið held ég.“

– Áttu einhverja sérstaka minningu frá jólum?

„Hittingurinn hjá pabba er alltaf minnisstæður en venjan var að hittast alltaf hjá pabba og gæða sér á eðal jólamat með pabbasósu eins og við köllum hana.“

– Hvað er ómissandi á jólum?

„Annað hvort hamborgarhryggur eða Bayonne-skinka, helst bæði.“

– Hvað finnst þér skemmtilegast um jólahátíðina?

„Vera með fjölskyldunni og borða mikið.“

– Bakar þú fyrir jólin og hvað þá helst?

„Hef ekki verið duglegur við það undanfarin tíu ár eða svo en er að pæla í að gera lakkrístoppa eða einhverjar tilraunir með margvíslegum toppum.“

– Hvenær klárar þú að kaupa jólagjafirnar?

„Ætli ég klári það ekki þegar ég er búinn að kaupa síðustu gjöfina.“

– Hvenær setjið þið upp jólatré?

„Það er ekki ákveðið ennþá.“

– Eftirminnilegasta jólagjöfin?

„Sem krakki þá var það Stiga sleði en í gamla daga var hægt að nota slíkt, þá snjóaði allan veturinn.“