Endurbættur og jólalegur Norðurkotsskóli

Við Kálfatjarnarkirkju á Vatnsleysuströnd stendur fallegt hús sem byggt var 1903. Húsið, sem ber nafnið Norðurkotsskóli, hýsti fyrr á tímum skóla fyrir nemendur sem bjuggu á svæðinu. Fyrir fimm árum stóð Norðurkotsskóli sunnar en var fluttur til og hefur hlotið mikla endurnýjun, bæði að utan og innan. Frá kirkjunni er gengið stuttan spöl niður brekku að Norðurkotsskóla. Þegar inn var komið mátti finna ilm af nýbökuðum pönnukökum og var búið að dekka upp borð og skreyta með jólaeplum eins og í gamla daga, kaffi og meðlæti. Á veggjum og í gluggakistum voru einnig jólaskreytingar sem minna á gamla tíma. Uppi á háalofti voru ýmsir fornir munir og sagði umsjónarfólk skólans að stefnan væri tekin á að hafa þarna minjasafn um hlutverk skólans. 

Blaðamaður Víkurfrétta leit við og tók nokkrar myndir. 

Norðurkotsskóli að utan. 

Gömul jólakort einum veggnum.