Elmar Þór á kvöldstund með Kór Keflavíkurkirkju
– í Kirkjulundi þriðjudaginn 21. apríl kl. 20:00
Kvöldstund með Kór Keflavíkurkirkju hefur fengið góðar viðtökur bæjarbúa í vetur en hún er haldin þriðja þriðjudag í hverjum mánuði þar sem kórfélagar koma fram og skemmta sér og öðrum.
Næsta kvöldstund verður haldin í Kirkjulundi þriðjudaginn 21. apríl kl. 20:00.
Að þessu sinni mun tenórinn Elmar Þór Hauksson stíga á stokk ásamt Arnóri B. Vilbergssyni organista og öðrum góðum gestum.
Að venju verður kaffihúsastemmning í Kirkjulundi, heitt á könnunni og með því. Allir velkomnir en kórinn safnar frjálsum framlögum í ferðasjóð.
Styrktaraðili tónleikanna er Íslandsbanki.
