Ellert næstbesta rödd Íslands

Grindvíkingurinn Ellert Heiðar Jóhannsson hafnaði í öðru sæti í söngkeppni The Voice Ísland sem lauk í Atlantic studios á Ásbrú í kvöld. Í úrslitaeinvíginu söng Ellert lagið Bed og roses með Bon Jovi en áður hafði hann sungið Queen slagarann Don't stop me now.

Það var Hjörtur Traustason frá Bolungarvík sem bar sigur úr bítum í keppninni eftir að hafa flutt lagið sívinsæla Ferðalok (Ég er kominn  heim).