Eldri borgurum boðin golfkennsla

Grindavíkurbær býður  eldri borgurum upp á ókeypis golfkennslu í sumar. Kennsla fer fram á púttvellinum við Víðihlíð og á golfvellinum sem búið er að setja upp á Rollutúninu svokallaða. Kennt verður fjóra fimmtudaga milli kl. 16:30 og 17:30 og er fyrsti kennsludagur á fimmtudaginn. Kennari verður Jóhann Hjaltason golfkennari á vegum Golfklúbbs Grindavíkur en hann mun kennd undirstöðuatriði íþróttarinnar.

Þátttökugjald er ekkert eins og áður segir væntanlegir þátttakendur er samt beðnir að skrá sig til að auðvelda undirbúning. Tekið er við skráningu á bæjarskrifstofunni í síma 420 1100.