Einmuna veðurblíða á fjölskyldudegi í Vogum
Veðrið leikur við íbúa og gesti í Vogum þar sem nú fara fram árlegir fjölskyldudagar. Hátíðin nær hámarki í dag og í kvöld. Fjölbreytt skemmtun hefur verið í Aragerði í Vogum í allan dag og þar verða svo tónleikar í kvöld sel lýkur með flugeldasýningu.
Ljósmyndari Víkurfrétta smellti þessum myndum í dag og einnig í gærkvöldi þegar yngsta kynslóðin grillaði sykurpúða á meðan þau sem eldri voru hlustuðu á brekkutónleika þar sem Ingó Veðurguð leiddi sönginn.
