EGÓ í Topp of the Rock föstudaginn langa

EGÓið er komið á fulla ferð í  ballspilamennsku og ætlar að taka þátt í páskum með landsmönnum. Viðkomustaðirnir eru tveir að þessu sinni og báðir á Suð-vesturhorninu.  Má búast við miklu fjöri enda er EGÓ annálað fyrir að halda uppi gríðarlegri stemmningu á böllum.  Lag þeirra, Í hjarta mér situr sem fastast á toppi lagalistans og virðist ekkert ætla að velta þeim úr sessi eins og staðan er.  Plata er svo væntanleg frá EGÓ á árinu og stendur vinna við upptökur og hljóðblöndun yfir þessar vikurnar og er mál manna að þetta sé ein sterkasta plata sem komið hefur út með Bubba í langan tíma, segir í tilkynningu frá EGÓ.

Á föstudaginn langa verður opnaður nýr skemmtistaður á Vellinum sem ber nafnið TOP OF THE ROCK.  Það er því algerlega við hæfi að stærsta rokkssveit Íslandssögunnar  EGÓ  hefji starfsemina þar með dansleik.  Mikil stemmning er fyrir páskaballinu á vellinum og er verið að undirbúa allan pakkann svo hægt verði að stinga í  samband á föstudaginn langa.  VIð lofum frábærri stemmningu í  TOP OF THE ROCK á föstudaginn langa.

Forsala aðgöngumiða er hjá N1 á Ásbrú (Vallarheiði) og á midi.is. Miðaverð er 2000 kr. í forsölu en 2200 við innganginn.