Efnilegur listamaður sýnir í verk sín í Gallery

Listamaðurinn Þorbjörn Einar Guðmundsson stendur nú fyrir sýningu á digital listaverkum í karladeild Gallery Keflavík á Hafnargötu í Reykjanesbæ.

Sýningin ber yfirskriftina Girls going crazy og er unnin út frá sömu pælingum og mixtape með sama nafni, sem hann er einnig að gefa út. Þar er að finna sex „instrumental“ lög í rólegum hiphop-anda.

Sýningin stendur til áramóta, en Þorbjörn er með ýmislegt á prjónunum á næsta ári. „Ég er að fara til New York á næsta ári þar sem mér hefur verið boðið að sýna verk í gallerýi á Tribecka götu á Manhattan. Þar voru 20 listamenn valdir út til að sýna verkin og ég hlakka bara mikið til,“ sagði Þorbjörn sem bætir því þó við að hann hafi ekki enn ákveðið hvernig verk hann muni vera með á sýningunni.

Hann hefur þó greinilega ýmislegt fram að færa og segist ákveðinn í því að helga sig enn frekar listsköpun í framtíðinni.

VF-myndir/Þorgils – Þorbjörn við verk sín í Gallery