Dvergadansinn sló í gegn

Stóru-Vogaskóli tók þátt í hinni árlegu Legó-keppni sem var í Hákskólabíó á laugardaginn s.l. Lið skólans var skipað níu nemendum úr 6. bekk og gekk þeim vel í öllum greinum. Skemmtiatriði þeirra, Dvergadans, var kosið það besta í keppninni af áhorfendum í stóra salnum í Háskóabíói. Liðið hafnaði svo í 7. sæti í keppninni. FLL-First Lego League er tækni- og hönnunarkeppni ætluð grunnskólabörnum. Um 200 þúsund nemendur tóku þátt í þessari keppni í ár í 44 löndum.

Keppninni er skipt niður í fimm hluta. Í fyrsta lagi smíða keppendur vélmenni úr tölvustýrðu Legói sem er forritað til að leysa tiltekna þraut. Að þessu sinni snerist þrautin um ýmis verkefni sem eldri borgarar þurfa að leysa í lífinu. Þetta eru fyrir fram ákveðin verkefni og þarf að forrita vélmenni til þess að leysa þau. Í öðru lagi eiga keppendur að gera vísindalega rannsókn á ákveðnu efni sem tengt er þema keppninnar. Í þriðja lagi halda keppendur ítarlega dagbók um undirbúninginn. Í fjórða lagi eiga þeir að flytja frumsamið skemmtiatriði. Að lokum þurfa liðin að gera grein fyrir því hvernig þau forrituðu vélmennið sitt en þar reynir á þekkingu þátttakenda á eigin búnaði.

Að þessu sinni var Stóru-Vogaskóli eini Suðurnesjaskólinn og aðeins tveir skólar af Suðvesturhorninu tóku þátt í keppninni. Vaxtarbroddur hátæknimenntunar ungu kynslóðarinnar virðist um þessar mundir vera á Austurlandi. Þess má geta að fjögur lið frá Hornafirði tóku þátt og gekk þeim öllum vel. Sigurliðið kom frá Akureyri. 

Hér má sjá dvergadansinn fræga sem skilaði sigri fyrir Stóru-Vogaskóla.