Dúx-bros í Myllubakkaskóla

Hún brosti breitt hún Védís Eva Guðmundsdóttir við skólaslitin í Myllubakkaskóla í gær enda fékk hún fern verðlaun fyrir góðan námsárangur, m.a. glæsilega stafræna myndavél úr Minningarsjóði Vilhjálms Ketilssonar fyrir besta
árangur nemenda á samræmdum prófum. Védís Eva ætlar norður yfir heiðar í haust og stefnir á nám í Menntaskóla Akureyrar. Þannig verður hún aðeins nær móður sinni sem býr á Patreksfirði. Það var gleði hjá fleiri nemendum annarra grunnskóla í Reykjanesbæ í dag við skólaslit og við greinum frá því í Víkurfréttum á morgun og í næstu viku.