Drungablús og djöflakántrí á Paddy´s í kvöld

Testculus in Musica (T.I.M), hrellir gesti á Paddy´s í kvöld, miðvikudag 7. júní, ásamt Svavari Knúti, Mogadon og Misery loves company.

Sveitin er nú á tónleikaferð um landið og hyggst síðan fara í tónleikaferð til Englands.
Fyrri tónleikar með þessari uppstillingu hafa fengið einstakt lof og geta gestir átt von á hverju sem er. 

Aðgangseyrir er kr. 500/- og 18 ára aldurstakmark.
Stórsveitin T.I.M hóf sinn feril á því að spila lög með Tom Waits og Nick Cave til heiðurs þeirra og verður spennandi að sjá og heyra hvað verður boðið upp á. Til gamans má geta að Testiculus in Musica þýðir „Kuðungar í tónlist“ en ekki eistu í tónlist eins og sumir hafa talið.