Draumurinn að verða atvinnumaður í fótbolta

Theodór Sigurbergsson er 16 ára nemandi í Holtaskóla, æfir fótbolta með Keflavík og handbolta með HKR. Hann stefnir á að fara í Fjölbrautaskóla Suðurnesja í haust. Theodór dreymir m.a. um að verða atvinnumaður í fótbolta. 

1. Hvaða íþrótt æfir þú? Ég æfi fótbolta, handbolta og mæti reglulega í ræktina.
2. Hversu oft æfir þú í viku? Ég æfi sex til sjö sinnum í viku, stundum oftar.
3. Ertu með ákveðið mataræði þegar þú ert að fara taka þátt í móti eða fara keppa? Reyni alltaf að borða hollan mat. Ég borða léttan og hollan mat á keppnisdegi.
4. Hver eru áhugamál þín? Íþróttir í víðustu mynd.
5. Hvað er draumastarfið í framtíðinni? Draumurinn er að verða atvinnumaður í fótbolta.
6. Hvaða íþróttamaður mundi lýsa þér best? Ég ber mikla virðingu Ólafi Stefánssyni, handboltamanni.
7. hefuru áhuga að komast langt í þinni íþrótt eða er þetta bara áhugamál? Ég reyni að æfa eins vel og ég get með það að markmiði að ná langt í íþróttum. Ég hugsa vel um mataræði og svefn.
8. Hver er frægasti íþróttamaðurinn sem þú hefur hitt? Hitti á John Terry og Frank Lampart fyrir utan Stamford Brigde fyrir nokkrum árum.
9. Með hvaða liði heldur þú með í ensku deildinni? Auðvitað Chelsea og er ég alveg viss um að liðið geri góða hluti á næsta tímabili þar sem meistarinn Mourinho er tekinn við liðinu aftur.
10. Áttu einhverja fyrirmynd? David Beckham er alltaf flottur.
11. Uppáhalds íþróttamaður? Cristiano Ronaldo, kóngurinn hjá Real Madrid.
12. Skemmtilegasta íþrótt sem þú hefur prófað? Mér finnst fótbolti skemmtilegasta íþróttin.
13. Hvað hefur þú stundað margar íþróttir og hverjar eru þær? Æfi fótbolta og handbolta en æfði sund í einhvern tíma þegar ég var yngri.
14. Hvað finnst þér best að gera eftir æfingar? Fara heim í heita pottinn og slaka aðeins á.
15. Lokaspurning - Ef þú mættir velja einn ofurkraft, hver væri það? Væri gott að geta hlaupið hraðar en allir.