Mynd: Helga Erla
Mannlíf | 11. ágúst 2012 12:54

Draumur að komast að erlendis

Hafdís Hildur Clausen er 16 ára stúlka úr Keflavík sem er að vekja athygli víða sem fyrirsæta um þessar mundir. Hún hefur verið að vinna í Lífstíl í sumar en í haust ætlar hún að hefja nám í FS. Hún hefur verið í hestaíþróttum frá 6 ára aldri en fjölskylda hennar er á fullu í hestunum. Önnur áhugamál hennar eru dans og körfubolti. Þar nýtist hæðin henni eflaust vel en Hafdís er 1.80 cm á hæð.

Hafdís er á samning hjá Elite Model á Íslandi en hún er einn keppenda í aðþjóðlegri fyrirsætukeppni sem heitir Fresh Faces 2012.  Í október mun Traffic Models og modelmanagement.com velja 10 módel sem komast í lokakeppnina í Barcelona. Val þeirra mun ákvarðast af fjölda atkvæða og hvort að viðkomandi hafi það sem þeir eru að leitast eftir.


Hafdís var lengi vel í efsta sætinu í Fresh Faces International en hún er í 6. sæti þessa stundina. Til gamans má geta að þeir sem hafa komist í topp 10 í Fresh Faces hafa t.d. náð að landa samningum hjá Prada & Armani, Karl Lagerfeld og fleiri stórum nöfnum.

Hvernig kom það til að þú fórst að fást við fyrirsætustörf?
„Það má eiginlega segja að það hafi byrjað þannig að ég fór í myndatöku hjá áhugaljósmyndara og þar fann ég að þetta var eitthvað sem að ég hafði virkilegan áhuga á.“

Hefurðu áhuga á því að starfa í þessum bransa í framtíðinni?
„Já það er draumur minn að vinna við þetta í framtíðinni. Draumurinn er að fá vinnu við þetta erlendis þar sem að möguleikarnir eru fleiri. Ég er reyndar komin með eitt tilboð hjá módelskrifstofu á Ítalíu sem ég er að skoða í augnablikinu.

Hér að neðan er svo hlekkur þar sem hægt er að greiða Hafdís atkvæði í keppninni.

http://www.modelmanagement.com/model/hafdis-hildur/
 

Til baka

Nýjustu fréttir