Dönsuðu inn sumarið

Íbúar við Stapavelli í Njarðvík fögnuðu sumri með dansi í götunni þeirra að morgni sumardagsins fyrsta. Eygló Alexandersdóttir, danskennari setti tónlist í gang og fékk íbúa í götunni til að koma út með sér og dansa inn sumarið.

Formleg og árleg skrúðganga Skátafélagsins Heiðabúa í Reykjanesbæ fór ekki fram í morgun en það hefur verið fastur siður í áratugi en var aflýst vegna Covid-19. Þannig að íbúar við Stapavelli fá hrós dagsins fyrir að fagna sumri með dansinum.