Dimmiterað í FS

Útskriftarhópur Fjölbrautaskóla Suðurnesja kom saman á sal á föstudag þar sem kennarnar og samnemendur voru kvaddir með virktum á Dimmisio.

Flestir voru í gerfi ofurhetja af ýmsum stærðum og gerðum, en þó brá fleirum fyrir. Ekki var laust við að nokkrir kennarar hafi verið þreyttir um morguninn enda hafði útskriftarhópurinn skroppið heim til þeirra um nóttina og vakið með látum. Myndir frá næturferðinni vöktu mikla kátínu þar sem þær voru sýndar á sal um morguninn.

Þar sem nemendur, starfsfólk og kennarar voru saman komin á samkomusalnum sýndu útskriftarnemar mynd sem sýndi skólastarfið í skemmtilegu ljósi og stóðu einnig fyrir verðlaunaafhendingu í fjölmörgum flokkum. Á meðal helstu verðlaunahafa voru Ægir Sigurðsson, sem var sæmdur nafnbótinni Þraukarinn, Sæmundur Vilhjálmsson, umsjónarmaður, fékk þakklætisverðlaunin og síðast en ekki síst var Rósa Sigurðardóttir, dönskukennari, valin besti kennarinn.

Um kvöldið var svo hin hefðbundna síðasta kvöldmáltíð þar sem nemendur og starfsfólk skólans snæddu saman.

Mynd af heimasíðu FS www.fss.is Smellið hér til að sjá fleiri myndir fá Dimmissio