Dansað við helstu kennileiti Suðurnesja
Danshópur Bryn Ballett safnar fyrir Londonferð
Danshópur á vegum Bryn Ballett Akademíunnar í Reykjanesbæ heldur eftir tæpa viku á sumarnámskeið í Royal Academy of Dance í London. Stelpurnar ákváðu að fara áhugaverða leið til þess að safna pening fyrir ferðinni en þær söfnuðu áheitum fyrir að dansa á ýmsum kennileitum á Suðurnesjunum.
Hér má sjá skemmtilegt myndband þar sem stelpurnar dansa á hinum ýmsu stöðum sem Suðurnesjamenn ættu að kannast við eins og t.d. hjá Kirkjuvogskirkju í Höfnum, hjá flekaskilum Ameríku og Evrópu á Reykjanesi, hjá Garðskagavita og á túninu hjá Duus húsum. Sami dansinn var dansaður á öllum stöðunum sem kemur virkilega vel út þegar búið er að klippa myndbandið.
