Codland með vinnuskóla í Grindavík

Íslenski sjávarklasinn verður með vinnuskóla í Grindavík um sjávarútveginn dagana 12. til 15. ágúst frá 8:30 til 12:30 fyrir hádegi. Nemendum sem fæddir eru árin 1998 og 1999 gefst kostur á að taka þátt í því starfi sem verður í boði. Nemendur fá greitt skv. launatöflu unglingavinnunnar í Grindavík. Skráning fer fram á Codland.is/vinnuskolinn og stendur til 7. ágúst.

Codland vinnuskólinn hefur það að markmiði að efla áhuga á sjávarútveginum og sýna nemendum þau víðfeðmu áhrif sem hann hefur á okkar samfélag. Nemendur fá fræðslu um sjávarútveginn, fara í vettvangsferðir og vinna verkefni sem tengjast nýsköpun sjávariðnaðarins.

HVAÐ VERÐUR GERT?

• Fræðsla um íslenskan sjávarútveg
• Vettvangsferðir í fiskvinnslur og skip
• Starfskynningar
• Starfsemi frumkvöðla
• Fullvinnsluverksmiðjan Codland
• Verkefni í nýsköpun
• Viðurkenningarskjal
• Gleði og gaman

Hægt er að finna facebook síðu skólans undir Codland vinnuskólinn.