BRYN Listdansskóli Reykjanesbæjar er 2ja ára

Listdansskóli Reykjanesbæjar, BRYN Ballett Akademían á tveggja ára afmæli á morgun. Skólinn er staðsettur á Flugvallarbraut 733 á Ásbrú. Bryndís Einarsdóttir eigandi og stjórnandi BRYN opnaði skólann fyrst í íþróttahúsinu á Ásbrú árið 2008.

Á síðasta ári flutti skólinn síðan í hússnæði fyrrum skotfærageymslu varnarliðsins, nemendum hefur fjölgað reglulega og eru yfir 200 nemendur í dansnámi. Þetta er faglegur og metnaðarfullur skóli sem viðmiðar kennslu sína við aðalnámskrá menningar- og menntamálaráðuneytis fyrir listdansskóla.

Í tilefni dagsins er nemendum, foreldrum og gestum boðið í heimsókn á milli kl. 14:00-16:00.

Nemendur sýna danslistir sínar fyrir gesti kl. 14:00 og eru allir hjartanlega velkomnir.

Heimasíða skólans: www.bryn.is