Brimbrettakappar léku listir sínar í Grindavík

Brimbrettakappar nýttu sér góðviðrið í gær og léku listir sínar í Bótinni við Grindavík. Veðuraðstæður voru kjörnar fyrir brimbrettaæfingar en þrátt fyrir stilluna var ágæt alda við fjöruna sem hægt var að leika sér í.

Bótin er orðin vinsæll áfangastaður brimbrettakappa. Arnfinnur Antonsson tók þessa skemmtilegu mynd sem birtist á vef Grindavíkur.