Brenna í Vogum á vegum Skyggnis á gamlárskvöld

Vogabúar geta keypt sína flugelda hjá Björgunarsveitinni Skyggni og um leið stutt við starfsemina. Flugeldasalan, sem verður í Björgunarsveitarhúsinu við Akurgerði 4, hefst fimmtudaginn 27. desember kl. 18 og verður opið til kl. 22. Hina dagana opnar kl. 14 til kl. 22 nema á gamlárskvöld en þá hefst sala kl. 10 og til kl. 16. Kl. 20:30 á gamlárskvöld verður kveikt upp í áramótabrennunni og eru bæjarbúar hvattir til að mæta. Að sögn Þórðar Guðmundssonar, formanns Björgunarsveitarinnar Skyggnis eru Vogabúar sæmilega skotglaðir og vonandi að salan verði svipuð og í fyrra þegar hún sló öll met. Á þrettándanum taka félög í hreppnum sig síðan til og efna til stórrar flugeldasýningar við álfabrennuna. Vogabúar og aðrir velunnarar Skyggnis eru hvattir til að leggja sitt af mörkum til starfsemi