Bónus færir Reykjanesbæ Hlutverk
Jóhannes Jónsson afhjúpaði í gær verkið Hlutverk eftir listahópinn Norðanbál sem er gjöf frá Bónus.
Verkið er unnið á ljósastaura við Fitjarnar í Njarðvík og myndar þannig karla sem halda á ljóskerum í tilefni af Ljósanótt.
Við athöfnina fluttu ávarp Jóhannes Jónsson og Björk Guðjónsdóttir forseti bæjarstjórnar sem þakkaði fyrir hönd íbúa Bónus fyrir gjöfina. Við athöfnina spilaði listahópur frá Veraldarvinum sem starfa í Reykjanesbæ á Ljósanótt og Karlakór Keflavíkur flutti nokkur lög.
Dagskránni lauk á mikilli flugeldasýningu á Kambi í nýju hverfum Reykjanesbæjar en sett hafa verið upp ljós á manngerðu fjallinu sem líkjast hrauneflu. Með flugeldasýningunni voru nýir íbúar boðnir velkomnir, bæði í Tjarnahverfi og Dalshverfi en einnig á Vallarheiði.
