Blómamarkaður Systrafélagsins í fullum gangi

Systrafélag Ytri-Njarðvíkurkirkju stendur þessa dagana fyrir sínum árlega blómamarkaði.

Markaðurinn er aðalfjáröflun félagsins en allur ágóði af blómasölunni rennur til viðhalds endurnýjunar á húsbúnaði kirkjunnar.

Markaðurinn opnaði í gær og stendur fram á sunnudag. Opnunartími er frá kl. 13 til 17 alla daga og er viðskiptavinum boðið upp á kaffi og bakkelsi innan dyra, en ekki veitti af í „góða veðrinu“ í dag að komast inn í huggulegheitin.

Félagsskapurinn hefur staðið fyrir þessum markaði síðustu 23 ár og var í upphafi til styrktar kirkjubyggingunni.

Þær sögðust að lokum vonast eftir betra veðri um helgina, en salan hefur verið ágæt það sem af er þrátt fyrir veður.

VF-mynd/Þorgils Jónsson: Upprennandi Systrafélagskonur í blómahafi