Blóðrautt sólarlag við Faxaflóa

Sólarlagið í Garðinum getur verið yfirnáttúrulegt og að því komst myndatökumaður okkar í gærkvöldi. Í sömu mund og sólin settist á bakvið Snæfellsjökulinn sigldi seglskip með fjögur möstur inn Faxaflóann með stefnu á Reykjavík. Í kjölfarið fylgdi íslenskur togari með afla úr lögsögunni.

Blóðrauður himininn bar þess merki að í vændum væri fallegur dagur sem raunin varð á en næstu dagar munu einkennast af blíðviðri og léttskýjuðu veðri og því gefast örugglega fleiri dagar til að mynda sólarlagið á Garðskaga og víðar á Suðurnesjum.

Myndband með sólarlags- og seglskútumyndum eru í Vefsjónvarpi Víkurfrétta.

Myndataka og klipping: Hilmar Bragi Bárðarson