Blaut furðufataganga hjá Heiðarskóla

Síðasta skóladeginum í Heiðarskóla var fagnað með skrúðgöngu í kringum skólasvæðið í dag og var mikil stemning í mannskapnum þó svo veðrið hefði ekki verið eins og best væri á kosið. Ætlunin var að fara svo í leiki fyrir utan skólann en veðrið þótt ekki nógu gott enda mjög blautt. Allir starfsmenn og nemendur skólans tóku þátt í göngunni og voru allir í furðufötum. Mismunandi þema var hjá árgöngunum og voru yngstu krakkarnir t.d. með Harry Potter og víkinga þema.
Eftir gönguna fóru krakkarnir inn í skólastofur og deginum verður svo „slúttað“ með mat á sal skólans.