Blásið til aukatónleika

Synir Rúnars Júlíussonar verða „Á trúnó“ í Bergi í Hljómahöll 13. apríl nk. á afmælisdegi Rúnars.

 

Uppselt er á tónleikana kl. 20:00 og hafin er miðasala á aukatónleika sem hefjast kl. 22:30 sama kvöld. Miðasala fer fram á hljomaholl.is, tix.is og í móttöku Hljómahallar. 

 

Sögur um lífið eru tónleikar tileinkaðir tónlistarferli Rúnars Júlíussonar.

 

Synir Rúnars, Júlíus og Baldur, fara yfir hæðir og lægðir í fjölbreyttum ferli Rúnars þar sem kennir ýmissa grasa. Rúnar reyndi fyrir sér í rokki og róli, kántrí og western, reggí, disco og funk tónlist. Samferðarmenn voru einnig af fjölbreyttara taginu.

 

Þeim til halds og trausts verður hljómsveit skipuð Bassa Ólafssyni á trommur, Inga Birni Ingasyni á bassa og Birki Rafni Gíslasyni á gítar.

 

Tónleikarnir verða á afmælisdegi Rúnars 13. apríl í Bergi, Hljómahöll.