Björgunarsveitin sýndi tæki og tól

Liðsmenn Björgunarsveitarinnar Suðurnesja komu sér fyrir í skrúðgarðinum í Keflavík í fyrradag og kynntu starfsemi sína og búnað. Þar var margt fróðlegt að sjá, m.a. sporhundana Pippi og Aqua sem kunnu vel við sig á meðal gestanna.

Þessi uppákoma var hluti af kynningarátaki í tengslum við 10 ára afmæli sveitarinnar, en af því tilefni afhentu Lionessur henni í dag 50.000 kr. að gjöf.

 

Starfsemi sveitarinnar er blómleg í meira lagi þar sem hún telur um 200 meðlimi, þar af um er um 50 virkir í starfinu. Þá var kvennasveitin Dagbjörg sett á laggirnar í vor.

Mynd: Lionessur veita Björgunarsveitinni 50.000 kr. afmælisgjöf.