Bjartsýni mikilvæg

Magnea Guðmundsdóttir, markaðsstjóri Bláa lónsins:


Árið var um margt eftirminnilegt. Sviptingar í efnahagslífinu settu vissulega svip sinn á síðari hluta ársins. Ég ferðaðist töluvert á árinu og heimsókn til Florence sem er afar falleg borg er mér minnisstæð. Ljósanótt var skemmtileg og er hún gott dæmi um fjölbreytt mannlíf og öflugt menningarlíf hér í Reykjanesbæ.
 
Nýja árið leggst afar vel í mig - það er mikilvægt fyrir okkur að vera bjartsýn og horfa til þeirra fjölmörgu tækifæra sem svæðið okkar býr yfir t.d. í tengslum við hreina orku, ferðaþjónustu, menntun og frekari nýsköpun.