Bjarni Thor syngur í Töfraflautunni

Suðurnesjamaðurinn Bjarni Thor mun ásamt söngkonunni Diddú syngja í Töfraflautunni eftir Mozart en það er Óperudeild söngskóla Sigurðar Dementz sem setur verkið upp í Lindarkirkju næstkomandi föstudagskvöld.

Næturdrottningin er sungin af Sigrúnu Hjálmtýsdóttur og Sarastro af Bjarna Thor Kristinssyni en önnur einsöngshlutverk eru flutt af nemendum skólans. Óperan skartar mörgum hlutverkum og gefur því  mörgum nemendum tækifæri á að sýna hvað í þeim býr. Stjórnandi er Keith Reed.

Óperan verður flutt í Lindakirkju í Kópavogi næstkomandi föstudagskvöld kl. 20. Miðasala verður við innganginn.

Töfraflautan er með allravinsælustu óperum tónlistarsögunnar. Mozart samdi hana árið 1791, skömmu áður en hann lést.